Samasem er blómaheildsala sem hefur verið starfrækt í meira en tvo áratugi. Frá upphafi hefur fyrirtækið einsett sér að auka vöruúrvalið á Íslandi með innflutningi blóma og plantna hvaðanæva að úr heiminum. Í rekstrarformi heildsölu hefur okkur tekist að bjóða fyrirtækjum og almenningi fersk afskorin blóm og árstíðabundnar pottaplöntur á viðráðanlegu verði, og þannig glatt landann með öllum þeim töfrum sem fylgja græneríi.

Við leggjum metnað okkar í að tryggja gæði og ferskleika í hverri sendingu og vinnum náið með traustum birgjum og ræktendum sem deila sömu ástríðu fyrir blómum og náttúrunni. Með árunum hefur Samasem vaxið í takt við viðskiptavini sína, tekið þátt í að skapa fallegar stundir, skreyta heimili og glæða vinnustaði lífi og lit.

Markmið okkar er að gera náttúruna aðgengilega öllum – hvort sem um er að ræða stór innkaup fyrir fyrirtæki eða eitt fallegt blóm til að gleðja daginn. Samasem stendur fyrir áreiðanleika, þjónustulund og alúð, þar sem ástin á blómum og fólki sameinast í hverjum vönd og hverri pottaplöntu.